عنوان الموضوع : طريقة عمل الكريب بالنوتيلا و الموز - حلويات
كاتب الموضوع : chahinez
مقدم من طرف منتديات ايمازيغن

السلام عليكم و رحمة الله و بركاته

اهلا بيكو جميعا الحقيقة ده اول موضوع اكتبة في المنتدي اللي بحبه و باستفيد منه اوي

و حبيت ابتدي بحاجه انا اللي عملاها بايدي و باحبها اوي و هيا الكريب و يا رب يعجبكو . انا كنت دايما باكله من بره لحد ما عرفت طريقتة و بقيت اعملها في البيت علي طول و بتطلع احلي من برة كمان و مش بتاخد وقت خالص
اولا

لمقادير

2 كوب لبن

2 بيضة

فانيليا

1 كوب دقيق

2 ملعقة زبدة ذائبة (او ملعقة سمن بلدي لو مفيش زبدة)

للحشو

برطمان شيكولاته نوتيلا - موز مقطع ترانشات





المقادير دي هتعملك 8 وحدات كريب و ممكن تعملي نصف المقادير بس علي حسب العدد المطلوب لان الكريب يفضل يتاكل في ساعتها ما ي**** او ممكن تحفظي نصف العجينة من غير تسوية في التلاجه لتاني يوم و تعمليها طازة وقت الاكل. الادوات المستخدمة (اختياري):

طاسة خاصة لعمل الكريب بتكون واسعة و حوافها قصيرة لو مش عندك استخدمي طاسة تيفال عادية بس تكون كبيرة شوية



مضرب بيض بعجلة او مضرب يدوي عادي او تضربي المزيج في الخلاط

الطريقة:

- ضعي البيض في وعاء غويط مع الفانيليا و اضربيهم حتي يختلطوا

- ضيفي اللبن و الزبد و اخلطي المزيج جيدا

- ثم ضيفي الدقيق تدريجيا حتي يمتزج الدقيق تماما



- ضعي ملعقة زيت في الطاسة علي نار هادئة و اتركيها تسخن و وزعي الزيت في الطاسة جيدا

- اسكبي كمية من الخليط في منتصف الطاسة حوالي كبشة ثم حركي الطاسة ليملائها المزيج و تكون طبقة رقيقة

- اتركيها دقيقة لحد ما تستوي من تحت و الحواف تنفصل عن الطاسه . حركي الطاسة للتاكد انها لا تلتصق بها ثم اقلبيها علي الجانب الاخر

ممكن تقلبيها في الهوا لو بتعرفي هيا عموما بتكون متماسكة و سهلة او لو خفتي اقلبيها علي طاسة تيفال تانية مدهونه و رجعيها تاني في طاسة التسويه

- اتركي الوجه الاخر دقيقة ليستوي ثم اخرجيها في طبق علي ورق مطبخ لتبرد

- كملي باقي العجينة بنفس الطريقة.



- بعد كدة احشي كل شريحة كريب بالشيكولاتة النوتيلا



- بعدين حطي جواها شرايح الموز بالطريقة دي



- بعدين لفيها زي المحشي و ادهنيها من برة بالشيكولاته و زيني بالموز







و بالهنا و الشفا




منقوووووووووول


قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©