عنوان الموضوع : جديد قريوش الفراشة بالخطوات المصورة طبخ جزائري
كاتب الموضوع : hanan
مقدم من طرف منتديات ايمازيغن

من احدث اشكال القريوش اللي عرفناها مؤخرا

شكله جميل ومذاقه رائع والاحلى من هذا وذاك ساهل في خدمته
ولكل من طلبها هذه مقاديرها

المقادير
4 كيلات فرينة
3/4 كيلة سمن او زبدة ذائبة
قرصة خميرة الحلوى
قرصة ملح
ملعقة صغيرة خل
ماء + ماع الزهر لجمع العجينة
نشاء
بياض بيض لالصاق العجينة
زيت للقلي
عسل

طريقة التحضير
نمزج كل المكونات ونجمعها بالماء حتى نتحصل على عجينة ملساء وطرية
خليها ترتاح 1/4 ساعة وابداي اخدمي



اقسميها كرات صغار وحليها مليح بالحلال على مائدة مرشوشة بالنشاء





من جهة اخرى تكوني سخنتي الطاوة نتاع الرقاق
حطي القرصة اللي حليتيها على الطاوة دقيقتين برك تشوفيها تبدل لونها اقلبيها ونفس الشيء للوجه الثاني يعني شوحيها فقط



غطيها بمنشفة نظيفة وكملي باقي الكرات
لوي القرصة الطايبة وادهنيها مع الاخير باش ما تتحلش

قصيها بشكل مائل بسكين مشرشف





وابداي اجبدي الريشة الاولى تخرجلك باقي الريشات بكل سهولة







لما تكملي كل الكمية اقليهم في زيت ساخن وغزير
وعسليهم ورشيهم بالبيسطاش او الجلجلانية حسب الرغبة







اتمنى انها تعجبكم
وشهية طيبة للجميع





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©