عنوان الموضوع : جروب انا حلوة وست الكل وبيتى زى الفل- تجارب منزلية
كاتب الموضوع : hamida
مقدم من طرف منتديات ايمازيغن





أزيكم يا بنات عاملين ايه
الصيف دخل خلاص وهتلاقى فى ناس عاوزة تنام وفى ناس مش ليها نفس تشتغل فى البيت
وفى ناس عاوزة تقعد قدام المروحة ومانتخه
واللى عاوزة تفضل تحت المية 24 ساعه ههههههههههههههه
رغيت كتير انا هاه
المهم انا عملت الموضوع ده
نشجع بعض فيه
على التنظيف
والترتيب
والتنظيم
والعناية الخاصة
علشان لو دخل عليكى اى ضيف ولا حد من جيرانك العقارب تطلع من عندك متغاظة وتقولى ياختى مرتبة بيتها
وقاعده على كيفها ومخليه بيتها نظيف
بدل ما تطلع من عندك واحدة تكون من قرايب جوزك ولا جارتك ولا مرات ابن عم جوزك وتكون اساسا مش بطيقك وعاملة حبيبتك
وتدخل بيتك تلاقيه مش نظيف تطلع قلبها بيرقص منا لفرحة ياختى
انما لما تدخل بيتك تلاقيه مرتب ومنظم وشيك وانيق وانتى موزة وأمورة قاعدة قدام لاب توبك وفى ايدك شوب عصير فريش
ومش همك مين يجى دام بالك مرتاح هتطلع من عندك متغاظه والغيظ بينط من ودانها
ها مين معايا ؟؟؟؟؟؟
وأشوف هتخذلونى ولا هتبقوا معايا
وانا عن نفسى هقولكم عن تجاربى فى البيت
وان شاء الله هجيب ليكم صور علشان انا بتشجع أكتر لما بيكون فى صور ^^
يلا مستنية الموزز
وهبدأ أن شاء الله لو هتشترك معايا واحدة بس


قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©