عنوان الموضوع : كيف أعرف أن هذا اللبس مناسب لجسمي.. ممكن من أهل الخبره مساعدتي؟! ازياء جديدة
كاتب الموضوع : madiha
مقدم من طرف منتديات ايمازيغن

كيف أعرف أن هذا اللبس مناسب لجسمي.. ممكن من أهل الخبره مساعدتي؟!



السلام عليكم


كيفكم بنات

انا سعيده ماااااااااااااااااااااااره على اني عرفت منتداكم وحبيت اسجل فيه فأتمنى اكون ضيفه خفيفة دم عليكم

اليوم حبيت أشارك بأصعب شيئ ممكن يواجه أي بنت وهو اللبس المناسب للجسم .. انا بصراحه ما اعرف ايش اللبس المناسب لي فعشان كذا دائما ادخل السوق واشتري اي شي اشوفه واحسه حلو وبالاخير بس البسه يطلع مو حلو علي مع انه وهو معروض يجنن .. المشكله انه أنا أساسا ينقصني الذوق والخبره ومعرفة المناسب لجسمي لسبب وهو ..

انه انا عشت في أسره للأسف الوالده الله يهديها ماكانت تطلع ولا كانت تخلينا نطلع احنا بعد فكانت من يوم كنا صغار تخيط لنا اللبس عند الخياط هالأبتين والقصه اللي بالنص والجيوب اللي عالجوانب حتى اللبس كان شكله واحد بس القماش المختلف

فاطبعا انا كبرت وبعدها صرنا نلبس القميصات او الجلابيات فماكنت اعرف وش هي التنانير ولا البلايز الى ان تعرفت عليها بالمتوسط وكنت حتى لما اجي اروح للسوق اشتري القماش واخيطه ماكان عندي مقاس ولا كنت حتى اعرف نوعية القماش الكويس يعني كنت اختار اي شي ملون واخيطه حتى المكان وقتها جلس الخياط يقولي قيسي هنا وهنا ورحت للبيت وقست ووديته له بس كان اللبس مبهدل الصراحه بس يالله وش نسوي الشكوى لله ..

المهم بعدها صرت اروح للسوق واشوف البلايز والتنانير وصرت اشتري بطريقه عشوائيه المهم انها مقاسي ماكنت حتى اعرف بالألوان اللي تركب على بعضها فكانت حيلتي دائما في التركيب هي اي بلوزه مقاسي على تنوره سوده وخلاص

بس لاتلوموني والله ماكنت اعرف شي لأني ماكنت اطلع ولا ازور احد الى ان توسعت معرفتي بعد مادخلت للجامعه وصرت اشوف البنات كيف يلبسون طبعا هم كان فيه هلاقه في اللبس بس كنت احاول اجدد من اسلوبي واطور من نفسي حتى لو كان عن طريق التقليد لملابس البنات فكنت مثلا لما ازور احد من صديقاتي ويعجبني لبس سواء في شكله او تناسق الوانه فكنت بمجرد ما اروح السوق واشوف شبيه له بس بموديل وشكل ثاني اشتريه على طول
ثم بعدها صرت احاول أسأل واشوف تناسق الألوان مع بعضها وايش اللون امناسب مع هاللون وهالتركيبات المعروفه الى ان تطور نوعاما معرفتي بهالأمور ..

ولكن لايخلو الأمر من الغطات الكثيره الصراحه اللي صارت تحرجني امام الاخرين مع اني والله تطورت جدا في الاختيار كاموديلات ولكن لازم من الخطأ مع اني حتى لما مثلا اشتري القطعه واشوفها انها صارت مو مناسبه علي لما لبستها مستحيل البسها قدام الناس ممكن البسها بالبيت ونا طالعه تمشيه ولاللسوق ..

بس المشكله انه انا اللي اخسر بالنهايه وتضيع الفلوس على حاجات ماهي حلوه والله انه فيه بعضها ما البسه لاشفته طلع علي موحلو ولا مبهدل مستحيييييييييلو لو ايش قيمته ما البسه فاتجلس تتراكم عندي الملابس من بنطلونات وتنانير وبلايز وبديهات مو ملبسوه بالمره او لابستها عشان خسارتي في قيمتها ولكن سبحان الله ما اطول في لبسها مره او مرتين واتركها بالدولاب لأني نفسيا مو متقبلتها

فاتصورو الان انا لما اروح للسوق مثلا اشتريت بنطلون مرات تضبط معي فايصير حلو وقصته طالعه تهبل علي بس هم البنطلونات قصاتها واشكالها متنوعه مقدر كل مره اخذ نفس النوعيه عشانه ضبط معي واحد منهم فأنا هذا اللي مقلقني ومخليني اتضايق كيف اعرف انه البنطلون مناسب علي من النظره بس

واما البلايز والبديها فايوووووووه حدث ولاحرج ياهو عندي بلايز والله جالسه بالدولاب ما اشتهي ألبسها بالمره احسها يامعرضتني ولا مكبرتني ولا مقصرتني ولا مطلعه فيني عله سواء كانت من ناحية القماش ولا من ناحية الموديل يعني مثلا انا احب دااااااااائما البلايز اللي تجي على قد الجسم ماتكون واسعه ولا ضيقه ولو كانت مخصره فاحلو ولكن مشكلتي من تحت عندي جوانب وعرض بسيط من تحت فمرات كثيره اضطر اخذ البلايز اللي ماتكون مخصره فأغلط في الاختيار وتعالي شوفي الشكل اما الكم شكله موحلو على يدي ولا الموديل طالع يفشل علي ولا شكل الأبه من فوق طالع مو حلو عاد انا خاصة الأبه الدائريه المغلقه بالمرررررررررره مو حلوه علي وحتى لو كانت مفتوحه من النص هم مو حلوه فمرات اشوف الشكل حلو واخذها وتطلع قمة الهلااااااااااااقه هههههههههههههههههههههههه بجد والله ..

اما اتنانير فاقصتها قصه يختي التنوره نفس الشي مرات قصة التنوره تأثر على جمال التنوره علي تصدقون مرات الناس تعجب باللبس اللي علي ويمدحونه لأنه فعلا مخصرني وطالع مضبوط علي فاتحسين مرات فيه بعض القصات للتنانير والموديلات تعطي طول للجسم وفخامه فهم في هذي أفشل ..

اما اللون فهذا بلحاله قصه يختي انا ما اعرف البق الألوان على بعضها هههههههههههههههههههههههههه ايه والله يعني عن الخيبه مرات اوكي تضبط معي ويصير اللبس يجنن ولابقه الألوان على بعضها بس مرات مثلا اشتري بلوزه مشجره مثلا فابشتري لها تنوره او بنطلون لونهم ساده فلما اشتريه يطلع لون البلوزه بديره والتنوره بديره ثانيه ممكن هو صحيح انه غلط ما اخذ معي اللبس وقت ما يكون اللبس تلبيق مختار بس هم يعتمد على حسب الصدفه ..

فالان وبعد هالمعاناة اتمنى تساعدوني وتراي انا مليانه يعني وزني 75 ماشاء الله علوزن عطوني رجيم على طريقكم لو سمحتو ههههههههههههههههههههههههههه

عموما بنتظاركم بفارغ الصبر واتمنى تتحملوني ثقلت عليكم من اول يوم مع السلامه



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©