عنوان الموضوع : تفسير فستان الزفاف في المنام- تفسير الأحلام
كاتب الموضوع : مريم
مقدم من طرف منتديات ايمازيغن

ارجو تفسير حلم غريب حلمته من فتره واعجز عن تفسيره حلمت انى انا فى وسط ناس كتيره وبعدين لقيت واحدقصير لابس ابيض وقصير جدا كانه مش انسان ووله دقن طويله ويرتدى عمامه كبيره وقالى اركبى على المحمل كان كرسى له ارجل ممدوده زى اللى كان فى الافلام زمان انا قلتله لا والله انا معملتش شى مهم انا اللى عملته عادى يعنى تواضع منى مع العلم انا معرفش الموضوع اللى كانوا بيتكلموا عليه كان فى ناس كتيره حولى قالى الراجل العجوز ابدا والله ده دين علينا ليكى اركبى واضح ان انا عملتلهم جميل وقالى عشان نسدد جميلك وركبت المحمل واللى شايلينه ارع رجاله شكلهم غريب ضخام ولونهم اسود زى العبيد والنصف العلوى عريان زى اللى فى الافلام وبصيت لقيت امى قاعده معايا على المحمل وهى عايشه على فكره وقالى هانشيلك سبع ايام لحد مانوصلك بيتك وفجاه لقيت نفسى لابسه لبس عروسه ولفت نظرى انى مش لالبسه حزاء فقلت ازاى مش لالبسه لكن قلت انا راكبه على الهودج مش مهم ووصلونى لحد قاعه افراح للاعراس الجماعيه مع العلم انى متزوجه وقعدت على الترابيزه بتاعتى

ارجو تفسيره لانى مش عارفه تفسيره وكل الناس بيقولولى ده حلم غريب


قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©