عنوان الموضوع : تفسير العثور على مزهرية ذهبية و حمد الله و شكره في المنام- تفسير رؤية
كاتب الموضوع : amira
مقدم من طرف منتديات ايمازيغن

السلام عليكم ارجو تفسير الحلم
معلومات عني انا مخطوبه من فتره صغيره
وخطيبي هو اول انسان اتخطبله
انا عمري 23 واسمي داليا وهو علي
انسه
متدينه وبحاول التقرب اكثر
الاشخاص اللي معي في الحلم امي وابي وخطيبي
الحلم
رايت كاني مخطوبه لاحد اخر غير خطيبي ولكن هو يعتبر صديق خطيبي ( في الحقيقه انا لا اعرفه في الواقع ) وبعد ما اتخطبتله لاقيت خطيبي بيحاول انه يتعرف عليا وانه عايزني احبه هوه واكره التاني وكنت بكلمه كتير بعدها لاقيت الشخص التاني اضايق وطلب من بابا انه يكتب الكتاب في ميدان رابعه عشان هو متدين فانا قلت لبابا لا انا مش مرتاحه ومش عايزاه انا عايزه واحد تاني اللي هو خطيبي علي وفعلا سبت الشخص التاني واتخطبت لخطيبي بعدها انا وماما ماشين ومعانا خطيبي وعرفنا ان الشخص ده انسان وحش اوي ومش محترم فماما قالتلي احمدي ربنا ده انتي ربنا نجاكي منه بخطيبك علي فقلتلها فعلا الحمد لله وبعدها مشيت انا وخطيبي علي الكورنيش بس كان قدمنا البحر فلاقيت فازه في الارض فقلتله بص في فازه حلوه هنا وكانت شكلها جميل اوي فقلتله تفتكر ده مصنوعه من ايه ونوعها كويس وغالي ولا رخيص فمسكها وقالي ده معدنها دهب ونوعها غالي اوي ونادر جدا فقلتله عرفت ازاي فقالي انا عارف قلتله لا لازم نسال حد عارف في الحاجات ده فقالي خلاص استني انا هعرفلك ادلوقتي فلاقيته راح وقف قدام البحر وحط الفازه جمبه ورفع ايده كلها للسما وقعد يدعي فقلت ايه ده هو كده هيعرف يعني فرحت اخدت الفازه من جمبه فلاقيته ركع علي ركبه وزود في الدعا وبقي بيدعي اقوي وبحرقه لكن صوته كان واطي اوي واللي فكراه ان في بدايه الدعا كان بيحمد في الله وبيشكره وبعدها اخدت الفازه وحضنتها وبس
ارجو تفسير الحلم
وجزاكي الله خيرا


قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©