عنوان الموضوع : ~ فراخ مشوية مع سلطة البطاطس والمكرونة الاسباجتي~من مطبخ نفرتيتي2014 - وصفة من مطبخي
كاتب الموضوع : hamida
مقدم من طرف منتديات ايمازيغن



ورجعتلكم تاني وحلقة جديدة من برنامجنا الاسبوعي

(( مطبخ نفرتيتي ))

انهاردا محضرالكم أكلة لذيذة وسهلة من مطبخي هي

~ فراخ مشوية مع سلطة البطاطس والمكرونة الاسباجتي~







قطع فراخ حسب الرغبة
1-بطاطس
1-جزر
1-طماطم
بصل وفلفل اسود وبهارات
صلصلة طماطم
بصل اخضر
معلقة مايونيز




1- نسلق الفراخ نص سلقة في مية سخنة مع البطاطس والجزر والطماطم والبصل والبهارات .

2-بعد نص ساعة نطلع الفراخ والبطاطس والجزر
ونرصهم في صينية ونرش عليهم ملح وبهارات وصلصة الطماطم وندخلهم الفرن مع شوية شوربة صغيرين.

3-لما تستوي الفراخ وتتحمر من ناحية نقلبها على الناحية التانية عشان تتحمر .

4-بعد تمام التسوية هنطلع البطاطس والجزر ونهرسهم كويس ونقطع بصل اخضر قطع صغيرة ونقلبه مع البطاطس ونضيف معلقة مايونيز وبهارات وشطة .
البطاطس دة اول مرة اعملها بس عجبتني اوي لانها واخدة من طعم الفراخ والشوي في الفرن جربوها هتعجبكم وهي مناسبة للمشاوي أوي.




اخر حاجة هنقدم الفراخ مع سلطة البطاطس ومكرونة اسباجيتي ودة طريقتها سهلة مش محتاجة شرح وبألف هنا







دة كان غدا انهاردا عندي .

جربوها وقولولي رأيكم
مع السلامة وانتظروني في حلقة جديدة الاسبوع الجاي بإذن الله
وزي كل أسبوع توقيع الحلقة برعاية العسوله ندى إم





الحلقات كلها موجودة هنا

برنامج اكلات وافكار جديدةلست البيت الشاطرة مع مطبخ نفرتيتي


قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©