عنوان الموضوع : وصفة الكبدة في الردا على السريع - المطبخ الجزائري
كاتب الموضوع : chichaki
مقدم من طرف منتديات ايمازيغن

مرحبا خياتي حبيت نمدلكم وصفة راح نعملها غدا بأذن الله للغذا مع الدوراة مشوية بدل الملفوف
وهي الكبدة في الردة راح اشرح مستعينة بصور من عمو قوقل فقط وغدا اعدكم اني نحط صور طبقي كي يوجد هههههههههههههههههه اذا ماعملوليش عليه هجوم وهو عاد في الفور

المقادير


كبدة
طحال على فكرة الطحال مفيد
جدا لمرضى فقر الدم لكن طعمه ومرونته قد تمنعنا من اكله لوحده فهاته الوصفة مش راح يبان طعمه فيها ابدا
قلب واللي يحب الكلوة والرية يزيدهم انا مانحبهم مانكلهم وبالتالي مانستعملهمش
جواحار طماطم حبة صغيورة مقطعة مكعبات

ثوم و شوية بصل مفروم ودبشة
التوابل
حرور ملح بالطبع كمون وقرصة راس الحانوت وشوية هريسة لعشاق الحار
والمكون الاساسي اللي هو الشحمة تاع الدوارة اللي نعملو بيها الملفوف

نحكمو كل المكونات تقطع مكعبات صغيرة جدا تتبل وتفرشي الشحم


وتفرغي فيها الحشوة وتطبقيها وتعمليها مستطيل او مربع كبير تحطيها في سنيوة وتدخليها للفرن راح تتطلق الدهون بطبيع الحال من الشحم لكن بحذر كل ماتطلق بزاف احكمي مغرف ونحي بيها هداك الدهن ورجعيها للفرن او كما انا لكن اكرر بحذر شديد نخرج السنيوة ونقطرها من الدهن ونرجعها
حتى تتحمر مليح نحيها واعصري فوقها القارص وقطعيها وقدميها سخووووووووووووووووووونة
طعمها روعة روعة روعة احسن من الملفوف بكثيييييييييير -

ملاحظة الشحمة اغسليها ونشريها فوق السلك تشيح شوية برك ماشي بزاف واذا كنتي مزروبة نشفيها بفوطة جافة ونظيفة





ايا جماعة صحا عيدكم


وهادي فخاطر قاع الصايمين اليوم نسخفكم معايا
هههههههههههههههه راني ميتة بالجوع شحال باقي للاذان



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©