عنوان الموضوع : عاونوني الله يجازيكم - طبخ جزائري
كاتب الموضوع : khouloud
مقدم من طرف منتديات ايمازيغن

السلام عليكم خياتي
ان شاء الله تكونو كامل لباس
نسحق تعاونوني وراني جايتكم بضياف ربي
وراني نعرفكم فحلات و شاطرات
بغيت نسقسي على ورق الديول
لبارح سييتو و ماخرجليش كامل مليح
و معرفتش البروبلام و مدبيا تورولي كيفاش
درت بيضة و كاس فرينة و ماء و شوية ملح و
دهنت بالبانسو و تكرفس كامل مخرجش مليح
الله يخليكم قولولي علاش و كيفاش ندير باش يصدقلي
بصح حلفتكم بربي ماتضحكوش عليا
لخاطر انا خاطيني الطياب بصح قلت لروحي صيي مبقاش وقت التمسخير
وسي لوكازيون نحب نشكر كل وحدة من قابي على المجهود الي راها دير فيه
الله يعطيكم ما تتمناو و يفتح عليكم و يجعلو في ميزان حسناتكم ان شاء الله
و بالسلامة راني نستنى ردودكم الله يعيشكم و شكرا



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©