عنوان الموضوع : لمن تبحث عن كيفية صنع ( راس الحانوت) لرمضان - من مطبخي
كاتب الموضوع : madiha
مقدم من طرف منتديات ايمازيغن

السلام عليكم و رحمة الله

اول موضوع لي في المنتدى و ان شاء الله يكون فيه فائدة للجميع

بما ان رمضان على الأبواب ارتأيت ان أضع اهم تابل لاطباقنا التقليدية الا و هو راس الحانوت

كل منطقة و تتميز برأس الحانوت الخاص بها كاين اللي يضيف له من 7 الى 12 عنصر

لكن اهم عنصر فيه الكصبر أكيد

انا دائماً نشريه و بحكم اني مغتربة لكن هذا العام ما هبطت للبلاد و تابل تاعي قريب يخلص

فقررت نخدم شوي و نشوف كيفاش يجي و الحمد لله خرجلي هايل و الريحة تاعو روووعه و فريشكة

المقادير تاعو بالكأس

3 كيسان كصبر
1 كاس كروية
1 كاس حبة حلاوة
1 كاس زريعة البسباس
3 ورق رند
3 ملاعق زنجبيل مرحي او 2 عرق ناشف
2 ملاعق كركم مرحي آلو عرق ناشف ( العرق الأصفر)
3 ملاعق كبابة حب ( انا ما عنديش هنا)
و 1/2 جوزة الطيب ( انا ما ستعملتهاش حرام )
و ارحي كلش مليح و شوفي الريحة اللي تدوخ في الكوزينة








ان شاء الله تجربوه و يعجبكم كيما عجبني



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©