عنوان الموضوع : تحلية بالكيوي والياغورت الطبيعي راااااائعة من مطبخي - عصائر و تحليات
كاتب الموضوع : madiha
مقدم من طرف منتديات ايمازيغن
السلام عليكم ورحمة الله تعالى وبركاته
واشراكم لاباس ان شاء الله كامل تكونوا بخير يارب
تحلية بالكيوي تشبه لتشيز كيك من موقع اجنبي جربتها وخرجتلي هايلة ان شاء الله تعجبكم وتجربوها ثاني
المقادير
الطبقة1
قاطو بيمو او اي نوع سامبل مطحون
100غ زبدة ذائبة
الطبقة2
500غ ياغورت طبيعي
كاس صغير سكر+5مغارف كبار
3حبات كيوي اوفريز واذا فريز كثر من 3حبات
2مغارف جيلاتين
عصرة صغيرة قارص
للتزيين
لوز ايفلي 2كيوي
طريقة التحضير
اولا
نطحنوالقاطوشوية خشين ماشي بزاف
نشمخوه بزبدة حتى يولي هكذا
نحطوه في القالب لي ينفتح ونخلوها في الفرجيدارحتى وين نوجدو الطبقة2
الطبقة2
نقطعو الكيوي ولاالفريز الى مربعات صغار نحطوهم في كاسرونة
مع 5مغارف سكروعصرة صغيرة قارص
نخلوهم على نار هادية 2ولا3دقايق
نذوبوالجيلاتين في شوية ماء سخون اومبعد نديروهم مع الكيوي ونبعدوه عالنار
نخلطوالياغورت مع السكر
اومبعد نزيدو الكيوي
ونحطوه في القالب فوق القاطو وندخلوه في الكونجيلاتور حتى يشد روحو
بعدمايشد روحو شوية نزينوه حسب الذوق ونردوه للفرجيدار يشد روحو كثر
ونقدموه بعد مانكونوا خليناه من3ساعات لفوق ماشي اقل
وهنا كي وجد ان شاء الله يعجبكم
ان شاء الله تجربوها وانا متاكدة بلي تعجبكم بنتها هايلة
في امان الله
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©