عنوان الموضوع : مقبلة بالبطاطا المقلية...ممممممممم - من مطبخ الجزائرية
كاتب الموضوع : hamida
مقدم من طرف منتديات ايمازيغن

كيفاش راكم خواتاتي انشا الله تكونو كااااااااااااااااااااااااامل بخير وعلى خير
اليوم حبيت نوريلكم مقبلة خفيفة توالم رمضان وتوالم هاد السخانة الي رانا فيها
نبداو اولا بالمقادير
نحتاجو بطاطا الكمية على حسب المول الي رايحين نديرو فيه
معدنوس
صدر الدجاج وادا ما كانش ممكن نستعملو اي جزء من الدجاجة
بيض حوالي 4 حبات
ملح
فلفل اسود
شوية خميرة كيميائية


ننتقلو للطريقة
نقي البطاطا وقطعيها مكعبات واقليها
طيبي الدجاج في مرق ابيض " حطي شوية زيت مع الدجاج و شوية بصل +قرفة+فلفل اسود+الماء وخليهم يطيبو"
حطي البيض مع المعدنوس مع شوية ملح وفلفل اسود وضربيهم

من بعد خلطي البطاطا مع الدجاج مفتت+خليط البيض+شوية خميرة كيميائية حوالي نصف كيس وشوية مرق الدجاج واحتفظي بباقي المرق وفرغيهم في طبق ودخليهم الفرن حتى يطيبو من تحت ثم حمريهه من الفوق
بعدما تخرجيها قدميها مع المرق الي يحب يسقيها بيه
ملاحظة : من الافضل سمك المقبلة يكون حوالي 5 سم
شهية طيبة



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©